অাজি হঠাতে
জিজিত নাদুমুৰি ৰবিৰ ‘জিওগ্ৰাফি অব ৰামায়ণ’ গ্ৰন্থখন হাতত পৰাৰ লগে লগে লেখকগৰাকীৰ
বিষয়ে জানিবলৈ মন গ’ল ৷ জিজিৎ হ’ল মহাকাশ বিজ্ঞানী, ইছৰো অাছিল তেওঁৰ কৰ্মস্থল ৷ ইয়াৰ
অাগতে তেওঁ লেখিছিল ‘ৰিভাৰছ অব ঋক্বেদ’ নামৰ বাখ্যামূলক এখন গ্ৰন্থ ৷ ‘মহাভাৰত’ অন্যতম
অথৰিটি হিচাপে প্ৰতিস্থিত পণ্ডিত বিবেক দেবৰয়ে কিতাপ খনৰ উচ্চ প্ৰশংসা কৰিছিল ৷
প্ৰাচীন ভাৰত
বিষয়টিয়ে তেওঁক সদায়েই অাকৰ্ষণ কৰি অাহিছে অাৰু প্ৰাচীন ভাৰতৰ বিভিন্ন কথা অাধুনিক
দৃষ্টিৰে বাখ্যা কৰাত নিজকে নিমগ্ন ৰাখিছে ৷ তেওঁ ‘এনচিয়েন্টভইচ’ (এনচিয়েন্টভইচ(ডট)উইকিডট(ডট)কম নামেৰে এটা
ৱেবছাইট মুকলি কৰিছিল। এই ৱেবছাইটত মহাভাৰত,
ৰামায়ণ, বেদ আৰু পুৰাণৰ
অাদিৰ বিভিন্ন দিশৰ ওপৰত অালোচনা
কৰা প্ৰবন্ধ অাছে ৷ সেই প্ৰবন্ধখিনিয়ে লৈছে
এফ’ৰ অাকৃতিৰ মুঠ ২৫,৩৭৬ পৃষ্ঠা ৷
ৰামায়ণ অধ্যয়ন কৰি জিজিতে
উলিয়াই লৈছে ৰাম কেতিয়া কোন ঠাইৰ পৰা কলৈ গৈছিল ৷ তাৰ পাচত সেই ঠাইবোৰ সংযোগ কৰি
চাইছিল ৷ কেতিয়াবা দেখিছে দুখন ঠাইৰ মাজত বহু ঠাইৰ উল্লেখ নাই যাৰ বাবে তেওঁ ঠাই
দুখন সংযোগ কৰাত ভালেখিনি অসুবিধাৰ সম্মুখীন হৈছিল ৷ কেতিয়াবা একে নামৰ একাধিক ঠাইৰ
নামো তেওঁ বিচাৰি পাইছিল ,এই একাধিক নামেও তেওঁৰ অধ্যয়ন জটিল কৰি তুলিছিল ৷
‘ৰামায়ণ’ৰ লেখক বাল্মীকি হলেও এই মহাকাব্যখনৰ ভালেমান
সংস্কৰণৰ প্ৰচলন অাছে যিবোৰত বাল্মীকিৰ ৰামায়ণত নথকা তথ্যৰ সংযোজন ঘটিছে অথবা তথ্য
বাদ দিয়া হৈছে ৷ ঠিক তেনেদৰে বিভিন্ন অাঞ্চলিক ভাষাতো ৰামায়ণ পুনৰ কথিত হৈছে অাৰু
তেনে সংস্কৰণবোৰত স্থানীয় তথ্যৰো প্ৰবেশ ঘটিছে ৷ এই তথ্যবোৰেও জিজিতৰ অধ্যয়নক প্ৰভাবিত
কৰিছিল ৷ শেষত জিজিতে অৱলম্বন হিচাপে লৈছিল বৰোডাৰ অৰিয়েন্টেল ইন্সটিটিউটে ৰামায়ণ
অধ্যয়ণৰ বাবে প্ৰস্তুত কৰা মেথদ’লজি ৷
জিজিতৰ এই ধাৰাবাহিক অধ্যয়ন হ’ল ভাৰতৰ ইতিহাস অাৰু ভূগোলৰ
পুনৰ অধ্যয়ণ ৷ এই অধ্যয়ণে সামগ্ৰিক ভাবে পাঠকৰ চিন্তা অাৰু বিশ্লেষণ শক্তিক ধাৰ
দিব ৷
